islamic-sources

  1. home

  2. article

  3. اس کائنات دا کوئ بنڑانڑیں ولا ہے

اس کائنات دا کوئ بنڑانڑیں ولا ہے

اس کائنات دا کوئ بنڑانڑیں ولا ہے
Rate this post

لکھاری: ظفر نقوی

کچھ عرصہ پہلے  دی گہل  اے کہ میں آُپڑے کمرے وچ بیٹھ کہ سوچنا پیا ہیا واں کہ آج کل دے جواناں   تے نوجواناں وسے کسراں  آپڑے عقیدے آں نوں بیان کیتا جا وے ۔کیونکہ بچے بچے ہوندین تے  ساڈے وڈے وڈے عالماں نے  وڈیاں وڈیاں کتاباں لکھیا نے کہ جناں نوں وڈے وڈے لوک ای پڑھ سکدے نے ۔اُناں دیاں فلسفیاں دلیلاں  تے استدلال وغیرہ برے اسی تے آپڑے نوجواناں تے جواناں نوں خدا دے بارے اچ بتلانڑاں چانے آں   تے کسراں بتائیے اس وسے میرے ذہن اچ  ہک خیال آیا کہ کیوں نہ اسی قرآنی طریقے تے عمل کر ے ین ۔ قرآن مجید بوت وڈے وڈے مسلے آں نوں  تے  اوکھے اوکھے مطلباں نوں  بڑی آسانی نال قصے آں دی صورت اچ پیش کر دین دا وے ۔ تے اے سوچ کہ منے ہک کتاپڑھی اے کہ جس وچ ہک بوت سونڑاں قصہ پڑھا جیڑا آج میں چانوواں کہ توانوں بی سنڑاواں  او قصہ اسراں وین کہ ہک ہونداے بادشاہ  تے اُس دا ہک وزیر ہوند اے ۔بادشاہ بڑا سخوت  کافر ہوند اے ۔ او کہیند اے کہ  اس کائنات نوں کوئی بنڑانڑیں ولا نہیں تے  اے پوری کائنات آپ سی آپی بنڑ گئی اے ۔ اس وزیر مسلمان ہوندا ے یعنی خُدا نوں منڑیں ولا ہونداے ۔اُس نے بادشاہ نوں بوت سمجھانڑیں دی کوشش کیتی اے برے بادشاہ  نے نہ منڑاں ہئیا تے او منےیا وے  ۔
وزیر بوت عقل مندہئیا اُنے سوچا اے کہ اے تا بادشاہ وے اسنوں اسراں تا نئیں سمجھایا جا سکدا ۔ اس نوں کسی ہور طریقے نال سمجھایا جانڑاں چایدا وے ۔ اس نے بوت سوچا اے ۔ بوت فکر کتی س ۔ کہ آخر کسراں بادشاہ نوں سمجھا یا جاوے کہ اس کائنات دا کوئی خالق ہے ۔ سوچ سوچ کہ اس دے ذہن اچ ہک خیال آیا تے اس نے گلکاراں نوں بلایا ، مزدوراں نوں بُلایا س تے جنگل اچ جا کہ ہک خاص نقشے دے مطابق ہک بوت عالیشان تے ودیا تے سونڑاں بنگلہ بنڑایانڑیں دا حکم دیتاس ۔ دِن رات دی محنت تے کم کرکر کے او بنگہ بنڑگیا اے ۔ وزیر نوں اطلاع دتی گئی کہ جنابِ وزیر تواڈا بنگہ تیار اے ۔ وزیر اُس بنگلے نوں ویکھ کے بوت خوش ہویا ۔ تے ہک دن بادشاہ نوں کیاس بادشاہ سلامت کافی دناں سی اسی شکار وسے نئیں گئے آں ۔ اگور تُسی راضی ہوو تا شکار وسے چلی آں ۔ بادشاہ دا دل بی بڑا تنگ ہئیا اُنے جدو وزیر دی اے گہل سنڑی اے تا بوت خوش ہو کہ کیاس ۔ وزیر بڑی اچھی گہل کیتی آ ۔ میں بی کافی دناں سی بوت بور پیا ہونا ہئیا واں ۔ چل ساڈے شکار وسے جانڑے دے انتظام کروا۔ وزیر جانڑیاں دی تیاری آں اچ لگ پیا اے ۔ جدو تیاریاں مکمل ہو گئی آن تے بادشاہ تے وزیر بوت سرے فوجیاں نال شکار وسے جنگل ول نکل گے این ۔بادشاہ شکار کردے کردے بوت اگے نکل گیا اے ۔ بادشاہ نے دور سی ہک بنگہ ویکھا تے ذر ا ہور اگے گیا کہ اے جنگل اچ بنگلہ پیا کے کردا وے ۔ بادشاہ درختاں تے بوتےآں نوں ہٹا کے ہور اگے جاکے ویکھا تے بادشاہ بوت حیران ہویا کہ اتنا سونڑاں بنگلہ تے او بی جنگلاں اچ ۔ وزیر نوں بُلایا گیا بادشاہ نے وزیر سی پوچھیا اے ۔
جناب وزیر اے نبگلہ کس دا وے تے کس نے بنڑا یا وے ؟
وزیر : بادشاہ سلامت منوں تا پتہ نینگا کہ اے بنگلہ کس دا وے جنگل اے اس سارے درخت آپی پیدا ہوگئے این تا اے بی آپ سی آپی بنڑ گیا ہوسی ۔
بادشاہ: بڑے غصے اچ : جنابِ وزیر تو منون کم عقل سمجھ نا ویں ؟
وزیر: بادشاہ سلامت اے کیہ پئے فرماندے او میں تا اےسوچ بی نئیں سکناواں ۔
بادشاہ تا وت اے گہل کسراں کتی آ۔ ویکھ نا پیا نیگااے کہ کتنا سونڑا بنگلہ اے اے یقینا کسی نے بنڑایا وے ۔ اس اچ لکڑی دا کم کتنی مہارت نال ہویا وے ۔ اے کسی ماہر دا ای کم اے ۔ہر چیز بڑی مہارت نال آپڑی جگہ اچ لگائی گئی اے ۔
وزیر نے موقع مناسب ویکھا اے تے فورا کیاس : بادشاہ سلامت اگور اے نیکہ جا بنگلہ بغیر بنڑانڑیں ولے دے نئیں بڑ سکدا تے وت اے اتنی وڈی تے سونڑیں کائنات ، اتنے سونڑیں درخت ، سبزا ، پہاڑ ۔ دریا ، آبشاراں ، تارے آں نال تے چن نال سجا اویا آسمان ، آپڑے مقررہ وخت تے سورج دا طلوع کرنا تے آپڑے وخت تے ای غروب کرنا اے اتنی سونڑی کائنات کسراں آپ سی آپی بنڑ گئی اے ۔ اس دا بی یقینا کوئی بنڑانڑیں ولا وے ۔ اے وئے عقل مندی دا تقاضا وے ۔ بادشاہ نے وزیر دی اے گہل سونڑی تے سوچ اچ پے گیا اے ۔ آپڑے محل اچ جا کہ بوت سوچا س ۔ تے آخر اچ وزیر نوں بُلا کے کیا وس کے اے عقلمند وزیر تیری گہل بالکل ٹھیک اے ۔ اس سونڑی کائنات کوئ نہ کوئی خالق تے بنڑانڑیں ولا اے تے او اللہ وے تے کلمہ پڑھ کے مسلمان ہوگیا تے وزیر نوں بوت سارے انعامات سی نوازا س کہ اس نے آپڑی عقلمندی نال خدا دا وجود ثابت کر دتا وے ۔
اس کہانڑی سی پتہ چلد اے کہ اس کائنات دا بنڑانڑیں ولا ہوے تے او خدا وے ۔۔۔۔کہانڑیں سراں دو وٹے تے سب دے منواں تے پھلاں دے چھٹے۔