islamic-sources

  1. home

  2. article

  3. بیت بابا فرید 45-54

بیت بابا فرید 45-54

  • بیت بابا فرید
بیت بابا فرید 45-54
5 (100%) 1 vote

45
پاس دمامے ، چھت سِر ، بھیری ، سڈو رڈ
جاءِ سُتے جِیران میں تِھیے اَتِیماں گڈ

اوکھے لفظاں دے معنے

دمامے: نقارے۔ دمدمے
چھت: چھتّر ۔ چھتر شاہی۔
بھیری: شہنائی۔
سڈ: بول۔
رڈ: بھاٹ۔
سڈورڈ: اوہ قصیدے جو بھاٹ کسی تقریب وچ پڑھدے ہین۔
جِیراں : قبرستان۔ گورستان۔
اَتِیماں : یتیم۔
گڈ: مِل جُل جانا۔
46
کوٹھے منڈپ ماڑیاں اُساریندے بھی گئے
کُوڑا سودا کرگئے گوریں آءِ پئے

اوکھے لفظاں دے معنے

منڈپ: وڈیاں وڈیاں عمارتاں۔
ماڑیاں: چبارے۔
اساریندے: بناتے ہیں۔
کوڑا: جُھوٹا۔
سودا: کاروبار۔
گُوریں: قبروچ۔
47
کھنتھڑ میکھاں اَگلِیاں ، جند نہ کائی میکھ
واری آپو آپنی چلے مشایخ شیخ

اوکھے لفظاں دے معنے

کِھنتھڑ: گووڑی مُراد جسم
میکھاں: ٹانکے۔
اگلیاں: بہتا زیادہ۔
جند: جان ۔ رُوح۔
چلے : مر گئے۔
مشائخ: شیخ دی جمع۔ عابد۔ زاہد۔ پیرومُرشد۔
48
دو دِیویں بَلَندیاں ، مَلَک بہیٹھا آءِ
گڑھ لِیتا ، گھٹ لُٹّیا ، دِیوڑے گیا بجھاءِ

اوکھے لفظاں دے معنے

دو دیویں: دو چراغ۔ اکھاں۔
بَلَندیاں: بَلدی ہوئی۔ روشن۔
ملک: فرشتہ موت۔ عَزرائیل۔
بہیٹھا: بیٹھا۔
گڑھ: قلعہ۔
گھٹ: دل۔
دیوڑے: چراغ۔
49
ویکھ کپا ہے جو تِھیا ، جو سِر تِھیا تِلاں
کمادے اَر کاگدے ، کُنّے ، کوئلیاں

اوکھے لفظاں دے معنے

کپا ہے : کپاہ دے نال۔
سِر : سِر تے۔
تِلاں: تِل
کمادے: گنّے تے۔
کاکدے: کاغذ تے۔
کُنّے: ہنڈیا۔
کوئلیاں: کومکے۔
مندے: بُرے۔
50
کَنھ مُصلّا ، صُوف گل ، دل کاتی ، گُڑ دات
باہر دِسّے چاننا دِل اندھیاری رات

اوکھے لفظاں دے معنے

کَنھ : کندھا۔
مصلّا : جائے نماز۔
صُوف گل: گلے وچ سیاہ کپڑے۔ کفنی۔
کاتی: چُھری۔
گُڑوات: مُنہ کی مِٹھاس۔
دسّے : نظر آئے۔
چاننا: روشنی۔
51
رتّی رَت نہ نِکلّے جے تن چِیرے کوءِ
جو تن رتّے رب سیوں تِن تَن رت نہ ہو ءِ

اوکھے لفظاں دے معنے

رتّی: بہت ای تھوڑا۔
رت : خون۔
تن : بدن۔ جسم۔
تِن: ان کے۔
رتّے رب سیوں: جو اللہ دے رنگ وچ رنگے ہوئے ہون۔
52
ایہہ تن سبّھو رت ہَے ، رت بن تن نہ ہوءِ
جو شَوہ رتّے آپنے تِتے تن لوبھ رت نہ ہوءِ
بَھے پیَے تن کِھیں ہو ءِ ، لوبھ رت وِچوں چاءِ
تِیوں ہر کا بَھو دُر مت مَیل گواءِ
نانک تے جَن سوہنے جو رتّے ہر رنگ لاءِ
(از گُرو امرداس)

اوکھے لفظاں دے معنے

بن: بغیر۔
رتّے: رنگ لے۔
تِت : اُس ۔
لوبھ رت: لالچ و حرص کا خون۔
بَھے ۔ بَھو: ڈر۔ خوف۔
کِھیں : دُبلا۔ کمزور۔
بَیسنتر: آگ۔
سُدھ: صاف ہو۔
ہر کا بھو: خدا کا ڈر۔
دُرمت: بُری بات۔ بُرا طریقہ۔
جَن : جنا۔ انسا۔
53
سو ای سروَر ڈُھونڈ لیہہ جتھوں لبّھی وَتھ
چھپّڑ ڈھونڈے کیا ہوئے ؟ چِکڑ ڈُبّے ہتھ

اوکھے لفظاں دے معنے

سوای: دُہی۔
سروَر: جِھیل۔ صاف تالاب۔
ڈھونڈ لیہہ: تلاش کرلے۔
لبّھی: کوئی چیپز۔
چھپّڑ : جوہڑ۔ جہاں پانی صاف نہ ہو۔
54
ننڈھی کنت نہ راویو ، وڈّی تھی موئیاس
دھن کُو کیندی گور میں تَیں شَوہ نہ مِلیاس

اوکھے لفظاں دے معنے

ننڈی: کم عمر لڑکی۔ نادان۔
کُنت : خاوند ۔ خصم۔
راویو: خوش کیا۔
وڈّی تھی: وڈے ہون تے۔
موئیساس: مرگئی۔
دھن: عورت
کوکیندی: چیختی۔ چلاتی۔
تَیں: تجھ نوں۔
شوہ: محبوب۔
نہ ملیوس: نہیں ملے گا۔