islamic-sources

  1. home

  2. article

  3. قصہ یوسف زلیخا ورقه 41

قصہ یوسف زلیخا ورقه 41

قصہ یوسف زلیخا ورقه 41
Rate this post

لکهاری:مولوی غلام رسول عالمپوری

ورقہ 42
یوسف دی سُن سبھ کرواناں شاہ کرے مہمانی
کرے اُتارا عزت سیتی خاص جگہ سُلطانی
تیہہ غلام رکھے وچ خدمت یوسف دے کر بردے
اوہ یوسف دی خدمت کردے اُلفت دوام بھردے
حیرانی دیاں وچ دریاواں نین اوہناں دے تردے
پر اوہ نین رکھن خود نیویں طاقت دید نہ دھردے
بعد ضیافت یوسف تائیں لے مالک گھر آیا
اپنے وچ مکان مُعلٰی اُسدا تھاؤں بنایا
مصر اگے وچ ظُلم تعدی مشہوری بریائیاں
جاں یوسف دا قدم پیاسُو ہویاں عدل صفائیاں
مصر اگے سُگ گیاں نہراں وگنوں اٹک کھلوئیاں
جاں یوسف دا قدم پیا سُو ندیاں جاری ہوئیاں
مصر اگے وچ بیماریاں خلقاں مردے لوک ہزاراں
جاں یوسف دا قدم پیا سُو ملی شفا بیماراں
مصر اگے رُکھ سکّے ہرجا برگ جھڑے پھُل مارے
جاں یوسف دا قدم پیا سُوہرے ہوئے رُکھ سارے
مصر اگے وچ قحط گرانی روندی خلق جہانی
جاں یوسف دا قدم پیا سُو مِلی امن ارزانی
کل بلا ہر آفت بدیاں سبھ مصروں اُٹھ گئیاں
ایہہ یوسف دی برکت مصرے خلق مراداں لئیّاں
مصری لوک کہن اِک دُوجے خبر نہیں کیہ ہویا
کھوٹ دِلاں ہر جھوٹھ زُباناں مصروں اُٹھ کھلویا
سارے شہر پُکارا ہویا مالک بردا آندا
کون کہنے اوہ بردہ ہوسی اوہ محبوب دِلاں دا
سورج وانگ کہاںجے مثلوں کجھ انصاف نہ پاواں
تے جے ہور بہشتی آکھاں لعلوں سنگ بناواں
تے جے کہاں فرشتہ اِس نُوں تاں بھی بھُلّا جاواں
ویکھدیاں جھل جاندیاں تائیں، دھن جنیندیاں ماواں
کیڈک گُردیاں والے ہوسن جیہناں کیتا پروردہ
کیڈ بڑے اقبالاں والے ایہہ مالک جس گھر دا
نظر وگاندیاں صبر لٹاوے ایہہ مالک دا بردہ
خاکستر وچ سینے ویکھے درد ہجر دا جردا
اچا چیت ویکھیندا اِک دم رو رو حاصل بھردا
وچ جلال جمال دمکدا نین نظاریوں ڈردا
اہل نظر ہو گھائل مردا رسدا زہر نظر دا
کیڈک ہے تاثیر نظر دی چل ازما اج مردا
نین سجن دے لاٹ برہوں دی جان پنبہ دا دَردا
جان جلے دم گلے نگاہوں تے ایہہ مقصد ہردا