islamic-sources

  1. home

  2. article

  3. قصہ یوسف زلیخا ورقه 58

قصہ یوسف زلیخا ورقه 58

قصہ یوسف زلیخا ورقه 58
Rate this post

لکهاری:مولوی غلام رسول عالمپوری

ورقہ 58

اِک تونگر نے سو بدرہ اوویں آن سٹایا
اِک ہزار مہر ہر ہدرے یوسف مُل سُنایا
اوّل والے اوہ اِک بدرہ اپنا چک لیا سُو
دوجے اُپر تیجا غالب بھی محروم گیا سو
دَمیں پَلیں ہُن ودھدی جاندی قیمت انت نہ آوے
اِک تھِیں دوجا کرے دو چنداں آوے ہور ودھاوے
ہور امیر پوے مُل چاڑھے دوجا ہور چڑھاوے
وار و وار پکاراں پئیاں کجھ شمار نہ آوے
موتی وزن برابر یوسف اِک نے عرض سُنائی
لعل بدخشاں والے دوجا دونی کرے دُہائی
کجھ ٹکانا رہیا نہ قیمت وِک وِک گئے خزانے
دیون ملک متاعین دولت سن گھر بار مکانے
جس دی گھٹے ہٹے سرمایہ اوہ رووے غم کھاوے
میریاں ٹُٹ اُمیداں گئیاں یوسف ہتھ نہ آوے
آہ وگے وچ جولانگاہے مشتریاں دے دِل دی
یوسف دا مُل جگ تھِیں بھارا حسرت سستے ملدی
دولت مند ہزاراں بیٹھے ہتھ ملن کر آہیں
گُزر گئی ہُن قیمت اس دے وس میرے وچ ناہیں
بہتی قیمت ویکھ غنّیاں ٹُٹ اُمیداں گئیّاں
لوک کہن ہُن قیمت اُسدی شاہ بھرے گا رّیاں