islamic-sources

  1. home

  2. book

  3. سورت الاعراف (مکی) تیجاحصہ

سورت الاعراف (مکی) تیجاحصہ

  • شریف کنجاہی
  • وچارپبلشرز
سورت الاعراف (مکی) تیجاحصہ
Rate this post
description book specs comment

اوس کہیا جے وار تہاڈی پہلی سُٹ دی۔ تے جد سُٹ اوہناں نے کِیتی،
لوکائی دیاں اکھاں نوں اِنج بنھ لیو نیں جے اوہ رہ گئے۔ ڈر کے۔ تے خوب
اوہناں جادُو دسّیا۔ (١١٦)
موسیٰ نوں ہُن اساں اشارہ عاصا سُٹن دا کر دِتا تے اوہناں دے بھچلاوے
مُنہ اوہنے پائے۔
اِنج ہوئی گل سچ دی اُچّی تے بے اثری اوہناں دی سب کِیتی ہوئی۔
اِنج اوہناں دیاں کنڈاں لگیاں تے اوہ اُلٹے پچی ہوئے۔
جادوگر اوہ ہاراں من گئے۔
اوہ بول اُٹّھے کل عالم دے رب نوں مَنّیا۔
موسیٰ دا ہارون دا رب اے جیہڑا۔
اِس اُتے فرعون کہیا جے میتھوں اِذن مِلن توں پہلاں اِنج تہاڈے
مومن تھینے توں لگدا اے ایہہ اک چال تہاڈی ہے سی جیہڑی وچ نگر دے
چلّی تاں جے کڈھو وسنیکاں نُوں پتہ تہانوں پر لگ جاسی۔
میں ہتھ پَیر تہاڈے کٹاں آڈے کرکے تے سُولی تے لٹکا دیساں سبھناں
تائیں۔
اِنج اوہناں پرتائی اگوں (جو وی ہووے) رب اپنے ول مُڑ آئے آں ہُن
اسیں تے۔
تُوں اساڈے تے کَوڑ ایسے دی ای کھاویں جے آیات الٰہی تے ایمان اساں
لے آندا ہے وے جد ہُن کول اساڈے آئیاں۔ ربّا صبر اسانوں دیویں تے
دنیا توں کھڑیں اسانوں مسلم ہونے دی حالت وچ۔ (١٢٦)
تے فرعونی قوم دیاں سرکڈّھاں پُچھیا کیہ موسیٰ نوں تے اس دے سنگ
پالاں نُوں تُوں چُھٹی دیسیں جے لوکائی وچ مچاون افراتفری، تینوں چھڈن
، تیرے معبوداں نوں چھڈن۔ اوس کہیا میں پُت ماری اوہناں دی کرساں
تے زالاں نوں زندہ رکھساں۔ اسیں اوہناں توں زوراور آں۔ (١٢٧)
موسیٰ قوم اپنی نوں کہیا بوہڑ خدا توں منگو تے دل وڈّا رکھو، ایہہ زمین خدا
دی ۔اپنے بندیاں وچوں جس نوں چاہے دے وراثت اس دی، تے اوڑک
اے متقّیاں دی چنگی۔
آکھن لگے، تیرے توں پہلاں وی ساڈے باب بتھیری ہوئی، تیرے
آیاں وی نے ساڈے اوہوا رولے، اوس کہیا اوہ ویلا ہُن آیا کہ آیا رب
تہاڈا جدوں تہاڈے وَیری بنّے لا دیوے گا تے ملکائی ملکے دی اوہ دیسی ہتھ
تہاڈے تے مُڑ عملاں راہیں پرکھے اوہ تہانوں۔
تے فرعون کیاں نوں سالاں بدھی، پیٹھا سی کالاں دی چکّی، پَھل پُھل دا
وی توڑا دِتّا، شاید ہوش اوہناں نوں آوے۔
پر جس سَوکھے ڈنگ آیو نیں اوہناں نوں حق اپنا جاتا، تے جاتو نیں اوکھا ویلا
موسیٰ دے تے اُس دے سنگیاں دے پیراں توں آیا۔ حالاں اوہناں تے
بد بختی آئی ہے سی اللہ ولّوں، چوکھڑیاں دی عقلوں سی ایہہ گل اُچیری (١٣١)
رَٹ اوہناں دی ایہوا ہے سی تُوں نشانی بھاویں کیہڑی وی لے آویں تاں
جے سانوں توں بھچلاویں اسیں ناں تینوں منساں۔ (١٣٢)
تاں مُڑ موت دبائی اوہناں دے ول گھلّی، مکڑ، چِچڑ، ڈڈّو تے رب بنے عذاب
اوہناں دے واہتے اِک اِک کرکے۔ مُڑ وی اوہناں آکڑ کیتی، قوم ای اوہ
سی انموڑاں دی۔
جد کدے وی آؤنی کوئی اوہناں اُتّے آجاندی سی آکھن لگدے کر
اساڈے حق دے وچ دعا تُوں موسیٰ کیوں جے وعدہ نال تیرے اُس کِیتا
ہویا۔ جے ساڈی توں آفت ٹالیں آکھے تیرے لگ جاواں گے۔ تے
کر ویساں نال ترے مُڑ اسرائیل کیاں نُوں۔
پر جد اوہ عذاب اوہناں توں کُجھ چر اسیں ٹلا دتا سی جیہڑا اُنج اٹل سی پھِر
گئے گل توں۔
فیر اوہناں نوں وچ دریا دے غرق اساں کردتا تے اِنج واری لاہی۔ ناہ
آیات اساڈی نوں گَولن دے پاروں تے اوہناں توں بے دھیانے رہنے
پاروں۔
تے اوہناں نوں تھاں اوہناں دی لے آندا سی، چڑھدے توں لا لہندے
توڑی، کل ہٹھارو جیہڑے ہے سن۔ برکت والا اوس علاقے نوں کردتا۔
تے اِنج رب ترے گل اپنی اسرائیل کیاں دے حق وچ سوہنے طور نباہی
۔ دل نوں وڈّا رکھن پاروں، تے فرعون سنے قوم اپنی جو کُجھ رہیا بناندا ہے
سی تے سب محل چُبارے اس دے مِلیا میٹ بنائے سارے۔ (١٣٧)
اسرائیل کیاں دے تائیِں دریاؤں سی پار پُچایا، جد اوہ اک قبیلے اِنج
دے کول آ اپڑے جیہڑے بُت پُجارے ہے سن، آکھن لگے، موسیٰ
اوہناں دے معبود جیہا معبود اساڈے واہتے وی کر پیدا۔ اوس کہیا بے سمجھ
تُسیں او۔ (١٣٨)

  • شریف کنجاہی
  • وچارپبلشرز