islamic-sources

  1. home

  2. book

  3. سورۃ التوبہ (مدنی) تیجا حصہ

سورۃ التوبہ (مدنی) تیجا حصہ

  • وچارپبلشرز
سورۃ التوبہ (مدنی) تیجا حصہ
Rate this post
description book specs comment

نج دے لوکاں پُچھے جانے اُتے گھڑنے عذر(ہزار)تہاڈے اگے، کہہ
دے عذر کرو نہ اُکا گل تہاڈی ہن نہ منّی جانی اللہ نے ہر گل تہاڈی دس
دتی اے سانوں تے ہُن اللہ تے پیغمبر اس دا تکسن جیہڑے عمل تہاڈے
ہوئے، فیر تہانوں اس دے اگے کیتا جا سی۔جیہڑا جانُو ہر اوہلے دا اَن اوہلے
دا۔اوہ تہانوں دس دیوے دا (گا) جو کرتوت تساں نے کیتے۔(٩٤)
(لاموں) مُڑ کے جد آوو دے (گے) کول اوہناں دے ایہہ اللہ دیاں قسماں
کھاسن آ کے کول تہاڈے تاں جے کدھرے اوہناں ولوں منہ نہ پھیرو
اس کر کے ہن اوہناں ولوں منہ ای پھیرو، ایہہ گندے نیں تے دوزخ
ای ٹھاہر اہناں دی اپنے کرتوتاں دے بدلے۔(٩٥)
ایہہ قسماں ہن اس توں کھاندے تُوں اہناں تے راضی تھیویں جے
توں راضی وی ہوجاویں اہناں اتے اللہ راضی مول نہ ہوندا بے زبانے
لوکاں اُتے۔
اوپرے لگدے لفظ:
٭گھڑنے عذر:بہانے بناونے ٭تکسن:ویکھن گے ٭اوہلے:لُکے ہوئے ٭اَن اوہلے :ظاہرا
٭لاموں : جنگ توں ٭ٹھاہر: رہن دی تھاں ٭بے زبانے۔قول دے کچے، گل کرکے پھر جان والے

ایہہ تھل واسی خوب پکیرے کفر اُتے دو رنگی اندر تے اللہ نے جو کجھ
اپنے پیغمبر تے نازل کیتا،اس دیاں حداں ناہ گولن وچ ماہر اے پر اللہ
وی تے آپ علیم حکیم اے۔
تھل واساں دے وچوں اوبھی جیہڑے (راہ خدا دے) خرچن نوں
اک چٹی جانن تے اوہ ایس اُڈیکے اندر گیڑ کسے وچ تُس آ جاؤ، مندا گیڑ
اوہناں تے آؤ نا،بے شک اللہ آپ سمیع اے آپ علیم اے۔
تے تھل واساں وچوں اوبھی اللہ تے ایمان جنہاں دا، نالے چھیکڑ
والے دن تے اوہ جو کجھ وی خرچ کریندے (راہ خدا دے)، جانن اس نوں
اک ذریعہ رب دے نیڑے ہوجانے دا نالے (انج) دعائیں لینے دا پیغمبر
کولوں۔بے شک اوہناں واہتے ایہہ خرچا وٹ ہے وے نیڑے ڈھکن دا
اک رستہ، ایس طریقے اللہ اپنی رحمت دے گھر سر پر داخل اوہناں نوں
کر لیسی۔بے شک اللہ بخشنہار نالے رحمت کرنے والا۔(٩٩)
اوپرے لگدے لفظ:
٭تھل واسی: بدُو، ریتڑے دے واسی ٭خوب پکیرے: واہواپکے ٭دورنگی:دوہرا روپ ٭ناہ گولن:دھیان نہ دینا ٭گیڑ : ول، فریب ٭چٹی:جرمانہ،پھٹیک ٭خرچاوٹ: خرچا کرنا ٭نیڑے ڈھکن دا:لاگے آون دا ٭بخشنہار: بخشن والا ،معاف کر دیون والا

(رب دے) اگے سب توں اگے اوہ جنہاں نے سب توں پہلاں
ہجرت کیتی، تے اوہ جیہڑے اوہناں نوں جی آیاں نوں آکھن والے ہے سن
نالے اوبھی جیہڑے اوہناں پچھے لگے جیؤں لگن دا حق ہوندا اے اللہ
اوہناں تے راضی، اوہ راضی اللہ دے اُتے، اوہناں واہتے اللہ ہین بہشت
اسارے کول جنہاں دے وگدے پانی، دائم اوہناں وچ اوہ رہسن ایہہ
بڑی ای جت اوہناں دی۔
تیرے آسے پاسے جیہڑے تھل واسی نیں اوہ منافق اِنجے ہین،
مدینے وچ وی لوک منافق، دور نگی دا رنگ اہناں تے پکا چڑھیا تینوں کیڑ
اہناں دی ناہیں،سانوں کیڑ اوہناں دی واہوا اسیں عذاب اوہناں نوں سرپر
دیواں گے دو واری فیر وڈیرے ہور عذابے وچ اوہ پیسن۔(١٠١)
انج دے وی کجھ لوکی اہناں وچوں جنہاں من لئے مند اپنے،
چنگے مندے دی کھچڑی نیں عمل اوہناں دے ہو سکدا اے اللہ کرم
کرے اوہناں تے بے شک اوہ غفور رحیم اے۔
اوہناں دے مالاں چوں صدقہ لیندے ہوئے، پاک پوِتّر ایہہ سمجھ
اوہناں نوں کرسیں اندروں باہروں، منگ دعا اوہناں دے حق وچ ،اوہناں
نوں تسکین دعا تیری توں ہوسی بے شک اللہ سننے والا جانن والا۔
اوپرے لفظ:
٭دائم:ہمیش ٭پوتر: پاک، صاف ٭تسکین: سُکھ ، آرام ٭کیڑ: خبر ٭مند: بریائیاں ٭کھچڑی: رلویں

کیہ اہناں نوں علم نہ اس دا اللہ ہی اے اپنے بندیاں دی توبہ نوں منن
والا نالے دتیاں خیراتاں نوں، بے شک اللہ ہے بڑا ای توبہ منن والا نالے
رحمت کرنے والا۔(١٠٤)
ایہہ سمجھاوے اوہناں تائیں عملوں دسو (توبہ کر کے) اللہ تکسی عمل
تہاڈے اس دا پیغمبر وی تکسی نالے مومن لوکی تکسن جھب تساں نے اس
نے اگے پیش ہونا ایں ہر اوہلے ان اوہلے دا جو جاننہار اوہ تہانوں دس
دیوے گا کی سن عمل تہاڈے۔(١٠٥)
تے کُجھ اوبھی ہین جنہاں دے بارے رب ای جانے، جو ہونا ایں اوہ
چاہے تے وچ عذاب اوہناں نوں پائے تے جے چاہے توبہ کرے قبول
اوہناں دی کیوں جے اللہ آپ علیم حکیم اے۔
تے اوہ لوک جنہاں نے مسجد پائی ہے وے مومن لوکاں وچ
تریڑاں پانے واہتے، کفر کھلارن پھوٹ پواون واہتے تے اوہناں دا اڈا
کر کے جیہڑے پہلاں لڑ دے رہے نیں نال اللہ دے تے اس دے
پیغمبر دے وی، تے اوہ قسماں کھاندے ہوئے آکھن دے (گے) نیت
ٹھیک اساڈی ہے وے پر اللہ ہے شاہد اس تے اوہ سراسر جھوٹھے۔
اوپرے لگدے لفظ:
٭جھب:اخیریں ٭تریڑاں:پاڑ پاؤناں ٭پھوٹ پواون:وکھ کرن ٭سراسر: پورے دے پورے
٭شاہد: گواہی دیون والا

اُس دے وچ وڑیں نہ اُکا پہلے توں ای جیہڑی مسجد تقوے اُتے
اسری ہے وے اس دے وچ کھلونا جچدا، اس دے وچ اوہ لوکی ہوندے
جنہاں نوں ستھرائی نال محبت ہوندی تے اللہ وی ستھرے لوکاں نال
محبت رکھدا ہے وے۔
کی اللہ دے تقوے، نالے اس نوں راضی رکھن اُتے جس اساری
کیتی ہووے نیہہ اپنی دی، اوہ چنگا اے یا اوہ نیہہ اُساری ہووے جس
نے ڈھٹھن ہاری کسّی والے دندے تے(اوہ دندا)، نال ای اس دے دوزخ
دی اگ اندر ڈِگے، بے شک اللہ اوہناں نوں نہ راہے پاندا جیہڑے لوکی کم
انہونے کر دے۔(١٠٩)
ایہہ اُساری ہے اُساری اہناں جیہڑی رڑکن بن کے اوہناں دے
اندراں وچ دائم رہسی جد تک اوہناں دے اندرونے ٹوٹے ٹوٹے نہ ہو
جاسن تے اللہ دی ذات علیم حکیم اے۔(١١٠)
اوپرے لگدے لفظ:
تقوے:خوف، ڈر ٭جچدا:چنگا لگدا ٭نیہہ:بنیاد ٭ڈھٹھن ہاری:ڈھین والی ٭رڑکن:چوبھ ٭انہونے:بھیڑے

لئیاں خرید اللہ نے مومن لوکاں کولوں جاناں تے اموالاں بے
شک جنت دے بدلے وچ، اللہ دی راہ لڑدے ہوئے اوہ مارن یا آپ
مریون، وچ توراتے، وچ انجیلے، وچ قرآنے(ایہو آیا)، اللہ اپنے ہے اس
وعدے اُتے قائم تے اللہ دے نالوں کیہڑا قول اپنے دا پکا، اس کر کے جو
ونج تساں نے اللہ دے نال کیتا ہے وے خوشی مناؤ اس دے اُتے ایہوا
ای تے جت وڈیری سب توں ہے وے۔
(ایہہ بپاری اوہ نیں جیہڑے) تائب، عابد، حمدی تے تبلیغی اس
دے اگے جھکنے والے سجدے کرنے والے، چنگیائی دا آکھن وا لے مندیائی
توں ٹھاکن والے، رب دیاں حداں دے رکھوالے، خوش خبری دے(ایس
طرحاں دے) مومن لوکاں تائیں۔
ایہہ بنی نوں زیب نہ دیوے ناہ ایمان لیائے لوکاں نوں وی زیبے،
مشرک لوکاں دے حق اندر بخشش منگن بھاویں سکے ساک ای ہوون، اس
توں پچھے جد اوہناں دے اُتے واضح ہو چکیا اے جے ایہہ لوکی اگ دے
واسی۔(١١٣)
اوپرے لگدے لفظ:
جاناں تے اموالاں:جاناں تے مال ٭ونج: بیوپار ٭تائب:توبہ کرن والا ٭عابد:عبادت کرن والا ٭حمدی: رب دی تعریف کرن والا ٭تبلیغی:رب دا سنیہا لوکاں تائیں اپڑاؤن والا ٭مندےائی نوں ٹھاکن والے:برائی نوں روکن والے ٭زیب نہ دیوے: چنگا نہ لگے، ٭ساک: رشتے دار ٭واضح: صاف، چانن ہونا

باپ اپنے دے واہتے ابراہیم (نبی) دا بخشش واہتے رب نوں کہنا اس
وعدے دا پالن ہے سی جیہڑا سی اس توں کروایا، تے جد اس تے روشن ہویا
اوہ اللہ دا دشمن ہے وے اوہ اُس توں اک پاسے ہویا، بے شک ابراہیم
حلیم طبیعت والا تے سی نرم دِلے دا۔(١١٤)

اللہ دا دستور نہیں ایہہ قوم کسے نوں سدھا رستہ دس کے پٹھے راہے
پائے جد اوہناں نوں نہ کھلم کھلا دسے کیہڑی کیہڑی شے توں رہن اوہ
بچ کے، بے شک اللہ نوں کیڑ ہے وے اک اک شے دی۔
ایہہ اسمان زمین تمامی اللہ دے ای ہتھ وس ہے نیں اوہ جوائے اوہوا
مارے، اللہ باجھوں ہور تہاڈا ناہ کوئی سائیں ناہ امدادی۔
نظر کرم دی اللہ کیتی ول نبی دے تے اوہناں ول جیہڑے ہجرت
کر کے آئے تے انصاراں دے ول، جیہڑے اوکھے ویلے اس دے پچھے
لگے، اس توں پچھے جد اک ٹولہ اوہناں وچوں دِل تریڈے کر لینے دے
نیڑے ڈُھک پیا سی فیر نظر رحمت دی اوہنے اوہناں اتے کیتی کیوں جے
اوہ رؤف رحیم اوہناں دے حق وچ۔
اوہناں تناں اُتے وی نظر اوس کرم دی کیتی جنہاں بارے گل
اگیرے چل کے بنّے لگنی ہے سی، ایہہ زمین جدوں کھل ساری نال اوہناں
نوں سوڑی ہوندی چابی تے اوہناں نوں جاناں لگیاں وچ شکنجے آئیاں،
ایہہ محسوس اوہناں نے کیتا اللہ کولوں ہٹ کے کدھرے جان اوہناں دا
نائیں، فیر اَس اوہناں اُتے کیتی نظر کرم دی تاں جے توبہ تاب کرن اوہ،
بے شک اللہ رج کے توبہ سننے والا نالے رحمت کرنے والا۔(١١٨)
اوپرے لگدے لفظ:
وعدے دا پالن:وعدہ پورا کرنا ٭حلیم طبیعت:نرم دل کیڑ:خبر ٭تمامی:سارے ٭جوائے:جیوندا کرے
٭دِل تریڈے:پچھا وٹ جانا ٭اگیرے:اگے ٭جاپی:لگی، نظر آئی ٭ڈُھک جانا: چلے جانا ٭رؤف: غلطیاں معاف کرن والا ٭بنّے لگنی: نتارا ہونا ٭سوڑی: تنگ

اے ایمان لیائے لوکو ڈردے رہو خدا دے کولوں تے سچیاراں دا
ایہہ مدینے دے وسنیکاں یا اوہناں نوں جیہڑے اس دے آل
دوالے تھل واسی نیں جچدا ناہ سی،اوہ رسول اللہ نوں چھڈ کے پچھے
رہندے یا اوہ جِنداں اپنیاں نوں اس دی جِندوں اگے گِن دے اس
کر کے جے لگدی ہے وے جیہڑی تیہہ تھکاوٹ تے بھکھ رب دے
رستے وچ اوہناں نوں، دگڑ دگڑیاں کر دے جاندے کفروناں نوں کوڑ
دواندے یا دشمن نوں چرکا لاندے اس دے بدلے اوہناں دے ناں
لکھیا جاندا عمل چنگیرا، کیوں جے اللہ ضائع اُکا کردا ناہیں اجر اوہناں دے
جیہڑے چنگے کم کر دے نیں۔
اوہ جیہڑا وی خرچہ کر دے تھوڑا بھاویں بہتا، تے جناں وی پینڈا
کر دے اس دا بدلہ لکھیا جاندا، اللہ چنگا اجر اوہناں نوں دیسی اوہناں دے
عملاں دے پاروں۔(١٢١)
اوپرے لگدے لفظ:
٭سچیاراں: سچے لوکاں، ٭جندوں اگے: جانوں ودھ، ٭دگڑدگڑیاں: گھوڑے بھجاؤندے، ٭کوڑ: غصہ ٭چرکا:سٹ ٭اجر: چنگا بدلہ

ایہہ تاںممکن ناہیں ہے سی جے ٹر پیندے مومن سارے دے
سارے ای پر لوکاں دے اپنے اپنے قوم قبیلے وچوں کیوں ناہ کُجھ نے
آ کے اپنی دینی سوجھ ودھائی تاں جے واپس اپنے اپنے لوکاں وچ اوہ جا کے
ہوڑ ہٹک اوہناں نوں کر دے تے اوہناں نوں(مندیائیاں توں) ڈکدے۔
اے ایمان لیائے لوکو آسے پاسے ہین تہاڈے کافر جیہڑے انج
اوہناں نوں پے جاؤ جے زچ ہوجاون اوہ تہاڈے ہتھوں۔تے ایہہ چیتے
رکھو۔اللہ سنگی اوہناں دا جو اس دی من دے۔(١٢٣)
تے جد سورت نازل ہوندی ہے وے کوئی وچوں انج دے
وی نیں جیہڑے آکھن اس دے کارن کس دا ہے ایمان ودھیرا ہویا پر
جیہڑے نیں منن والے اوہناں دا ایمان ودھیرا ہو جاندا اے تے اوہناں نوں
چاء چڑھدا اے۔(١٢٤)
روگ جنہاں دے اندر ہے وے اوہناں دا گند اس توں ہور زیادہ
ہوندا تے اوہناں نے کافر ہوندے ای مرنا ایں۔
کی اوہناں نوں دسدا ناہیں اک دو واری ہر سال اندر اوہ ازمایش دے
وچ پیندے۔مُڑ وی توبہ اوہ ناہ کر دے ناہ مت من دے۔
اوپرے لگدے لفظ:
٭ہُوڑ ہٹک: روک ٹوک کرنا ٭زچ ہوجاون: تنگ آ جاون

تے جد سورت نازل ہوندی ہے وے کوئی ایہہ اک دوجے ولوں
تکدے (کہندے ہوئے)، کی منافق پن اساڈا کھلیا اہناں اُتے فیر اک
پاسے ہو جاندے نیں۔پھیر اوہناں دے قلباں اندر اللہ پایا کیوں جے
اوہ تے سوچوں کورے۔
سوچو اک رسول تہاڈے ول تہاڈے وچوں آیا جیہڑا کُڑھدا ہے اس
اُتے تسیں مصیبت وچ پوو ناہ چاہ تہاڈی اس دے اندر، مومن لوکاں واہتے
اوہ رحمت ای رحمت تے شفقت ای شفقت۔
اِس تے وی جے (اے پیغمبر) اوہ منہ موڑن کہہ دے اللہ کافی
ہے وے میرے واہتے باجھ اس دے معبودنہ کوئی۔میں توکل اس تے
کرناں اوہوا مالک عرش وڈے دا۔(١٢٩)

اوپرے لگدے لفظ:
٭قلباں: دِلاں ٭کورے: وانجے ٭کُڑھدا: ہرکھ کردا، ٭شفقت: پیار ٭معبود رب ٭توکل: بھروسہ ٭عرش: اسمان

  • وچارپبلشرز