islamic-sources

  1. home

  2. book

  3. سورۃ الجمعہ (مدنی)

سورۃ الجمعہ (مدنی)

سورۃ الجمعہ (مدنی)
2.7 (53.33%) 12 votes
description book specs comment

مترجم: شریف کنجاہی

بسم اللہ الرحمن الرحیم

اللہ دی تسبیح الاون کیہ عرشی کیہ فرشی۔ اوہ قُدُّوس اے اوہ عزیز اے
اوہ حکیم اے۔ (١)
اُمِّیاں دے وچ اُنہاں وِچوں اِک رسول اوسے ای گھلیا اوہ آیات
الٰہی اُنہاں اگے پڑھ کے پاِک دِلی دے پاسے کِھچے تے احکام الٰہی دسّے۔
ہور وی کِنِّیاں دانائی دِیاں گلّاں کیوں جے اوہ تے اُس توں پہلاں اِک
سُہانی جانے والی گمراہی دے اندر ہے سن۔
اُنہاں وچ دے اُنہاں دُوجڑیاں واہتے وی اجے قبول اسلام جِنہاں
ناہ کیتا ہے وے، بے شک عزیز حکیم اے۔
ایہہ (رسالت) فضل اللہ دا، دیندا ہے وے جِس نُوں چاہے ہے دیال
بڑا ای اللہ۔
کل تورات جِنہاں نُوں اساں چُکائی ہے سی اُنہاں نے ناہ چانے
وانگوں اُس نُوں چایا اُنہاں دی گل اُس کھوتے دے وانگوں لگدی جِس
تے لدِّیاں ہون کتاباں، اُس نالوں وی بھیڑے جیہڑے ہین آیات الٰہی
دے اِنکاری ہوندے بے شک اللہ نافرماناں نُوں ناہ راہے پائے۔ (٥)
کہہ دے ہے یہودِیو ایہہ بُھل تہانُوں باقی لوکاں وِچوں چوکھا اللہ
یار تہانُوں جانے، موت ذرا منگ کے تے ویکھو جے سچے او، پر اُنہاں نے
منگ ناہ کرنی اُکا اِس دی اپنے کرتُوتاں دے پاروں، اللہ کولوں حدّ
ٹپیالے بُھلّے ناہیں۔ (٧)
دس دے نیں جے موت اوہ جِس توں نسدے ہے او اُس تہانُوں مِل
کے رہنا فیر تُہاڈی اُس دے اگے پیشی ہونی جو اوہلک ان اوہلک جانے تے
دس دینا اوس تہانُوں کیہ کرتُوت تُہاڈے ہے سن۔
اے ایمان لیائے لوکو جدوں جمعے نُوں سدّے جاؤ تُسیں نماز پڑھن دی
خاطر تاں مُڑ ذِکر الٰہی دے ول جانے وچ ترِکھے ہووو۔ چھڈ چھڈا کے لینا دینا
جے سمجھو تاں ایہہ تُہاڈے واہتے چنگا۔
ہاں نمازوں فارغ ہو کے ایدھر اودھر کِھنڈ دے ہوئے فضل اللہ دا عام
اجازت ہے ڈُھونڈن دی، ویکھو جِنّا رب نُوں چوکھا یاد کرو گے اوناں بِیجی
نُوں پھل لگسی۔
(حالت ایہہ وے) سودا کِدھرے ہوندا ویکھن یا کوئی کھیڈ تماشا ایہہ
اُس دے ول کُھریاں وَٹّ دے۔ تینُوں کھلیاں ای چھڈ جاندے، دس
اُنہاں نُوں کھیڈاں نالوں سودے سُودے نالوں چنگا جو اللہ دے کولوں مِلنا
سب توں چنگا رازق اللہ۔ (١١)