islamic-sources

Languages
  1. home

  2. book

  3. سورۃ الصف (مدنی)

سورۃ الصف (مدنی)

قرآن مجید

سورۃ الصف (مدنی)
3.36 (67.27%) 11 votes
description book specs comment

مترجم: شریف کنجاہی

بسم اللہ الرحمن الرحیم

سبحان اللہ ہر شے کہندی کیہ عرشی کیہ فرشی بے شک اوہ عزیز حکیم
اے۔
اے ایمان لیائے لوکو کیوں ناہ کر دے جو کہندے او۔
اللہ نُوں ایہہ گل ذرا ناہ وارا کھاندی آکھی دا ناہ پالن کرنا۔
اللہ نُوں تے اوہوا لوکی چنگے لگدے جیہڑے اُس دی راہ وچ لڑدے
اِنج صف بنھ کے جئیوں کندھ پکی اِٹ نال اِٹ ملا کے اُسری۔
یاد کرو جد مُوسیٰ نے ایہہ قوم اپنی نُوں گل آکھی سی لوکو دسّو کیہڑی
گلّوں تُسیں ستاندے مینُوں ایہہ سمجھدے بُجھدے ہوئے میں
تُہاڈے ول آیا ہاں اللہ دا اِک قاصد بن کے، آخر پُٹھے چالے اُنہاں نے جد
نپے اللہ نے دل ہور اُنہاں دے پُٹھیاں سوچاں والے کیتے کیوں جے اللہ
نافرماناں نُوں ناہ راہے پاندا۔
اِنجے عیسیٰ بِن مریم نے اسرائیل کیاں نُوں گل ایہہ آکھی ہے سی میں
تُہاڈے ول خدا دا قاصد بن کے آیا پہلاں توں تورات تُہاڈے کول اے
جیہڑی میں وی اُس نُوں سچ ای جاناں میں تے ہور اِک پیغمبر دی وی خوش
خبری دیندا ہے واں۔ جیہڑا میرے پِچھوں آسی تے اِسم اُس دا احمد ہوسی۔
پر جد اوہ (پیغمبر) آیا کول اُنہاں دے سِدھیاں کُھلیاں گلّاں لے
کے آکھن لگ پَے ایہہ تاں گلّاں بھچلاوا نیں۔ (٦)
تے اُس نالوں ظالم کیہڑا جیہڑا کُوڑ کڑَل اللہ دے متھے لائے حالاں اُس
نُوں ول اسلام بُلایا جائے بے شک اللہ حدّ ٹپیالاں نُوں ناہ پاندا راہے۔
اُنہاں لوکاں دی ایہہ خواہش نُور اللہ دا پُھوکاں مار بُجھاون اودھر اللہ
نُور اپنے نُوں چار چفیر کھلارن اُتے تُلیا ہویا کافر لکھ کچیچی وٹّن۔ (٨)
اوسے اپنے پیغمبر نُوں گھلیا، راہ پاؤنی تے دِین سُچیرا دے کے، تاں جے
سارے دِیناں اُتے اوہ چھا جائے۔ مشرک لکھ کچیچی وٹّن۔
اے ایمان لیائے لوکو میں اوہ ونج تہانُوں دساں جِس دے نال عذاب
کرارے توں بچ جاؤ۔
(اوہ ونج ایہہ جے) اللہ تے ایمان اپنے نُوں پکیاں رکھو نالے اُس دے
پیغمبر تے فیر اللہ دے رستے اُتے جُٹ ای جاؤ مالاں جاناں نال (مُیسّر جو
وی ہووے) جے سمجھو تاں ایسے وچ ای بھلا تُہاڈا۔
اوہ تہاتھوں ہوئیاں کُھنجاں بُھل جائے گا اتے تہانُوں اُنہاں باگاں
دے وچ کھڑ سی کول جِنہاں دے وگدے پانی نالے سُتھرے گھر دیوے
گا سدا بہارے باگاں اندر ایدوں ودھ کے ہور کِسے نُوں کیہ چاہی دا۔
ہور اِک اوہ مُراد تُہاڈے دِل دی پُوری کر سی، اللہ دی توفیقوں
جھبدے جِت تہانُوں حاصل ہوسی ایہہ خوش خبری مومن لوکاں نُوں تُوں
دے دے۔
اے ایمان لیائے لوکو اللہ دے اِمدادی تِھیوو جِویں حواری مریم جائے
عیسیٰ دے سن ہوئے۔ جد اُنہاں نُوں اوس کہیا سی اللہ ول بُلانے والے کم
دے اندر کون ہوسی اِمدادی میرا۔ اوہ سارے ای بول پئے سن اسیں آں اللہ
دے امدادی، اسرائیل کیاں دے وِچوں اِک ٹولہ ایمان لیایا تے دُوجا اِنکاری
ہویا منن والے لوکاں نُوں اسیں ہتھ پوایا برخلاف اُنہاں دے جیہڑے
دُشمن ہے سن تے مُڑ مومن غالب ہوئے۔